ФИФА Жаҳон чемпионати-2034 ни 2035 йилга кўчириши мумкин

Дастлаб режага кўра, мундиал 2034 йилнинг ноябрь–декабрь ойларида ўтказилиши керак эди. Бироқ бу сана Рамазон ойига тўғри келиши сабабли мусобақани ўша вақтда ташкил этиш мумкин эмаслиги қайд этилмоқда.

ФИФА президенти Жанни Инфантино мазкур масала муҳокама қилинаётганини тасдиқлаб, шундай деди:

«Балки тақвимни оптималлаштириш йўллари бордир. Биз буни муҳокама қиляпмиз, аммо хулосага шошилмаслик керак».

Саудия Арабистонининг иқлим шароити ҳам саналарни белгилашда муҳим омил бўлмоқда. Ёз ойларида ҳаво ҳарорати +52°C гача етгани учун мусобақани ўтказиш имкони бўлмайди. Шу сабабли Қатардаги 2022 йилги жаҳон чемпионати ҳам қишда ўтказилган эди.

Якуний қарор саудиялик ташкилотчилар билан келишилган ҳолда қабул қилиниши ва барча футбол ташкилотларининг манфаатлари инобатга олиниши кутилмоқда.

Мундиални кўчириш миллий чемпионатлар ҳамда Европа клуб мусобақалари тақвимини мослаштиришни ҳам талаб этади.

Маълумот учун: футбол бўйича жаҳон чемпионатлари одатда Олимпия ўйинлари каби фақat жуфт йилларда ўтказилади. Фақат коронавирус пандемияси сабабли Токио–2020 Олимпиадаси 2021 йилга кўчирилган эди.