Янги Тошкентда 55 минг ўринли замонавий стадион қурилади

Маълумот учун, сўнгги беш йил ичида республикада футбол инфратузилмаси сезиларли даражада янгиланди. Ҳудудларда 75 та катта ва 302 та мини стадион фаолият юритмоқда. 1,5 мингта мактаб стадиони таъмирланиб, 1 миллиондан ортиқ ёшлар спорт билан шуғулланиш имконига эга бўлди.

Шунингдек, маҳаллий мусобақаларда ажралиб чиққан иқтидорли футболчилар тўғридан-тўғри футбол мактабларига қабул қилинмоқда.

Бугунги кунда дунё бўйлаб нуфузли клубларда тўп сураётган 20 нафар ўзбекистонлик футболчининг умумий трансфер қиймати 60 миллион доллардан ошган.

Шу билан бирга, 2027 йилда 20 ёшгача бўлганлар ўртасидаги Жаҳон чемпионати Ўзбекистон ва Озарбайжонда ўтказилади. Мусобақа ҳар икки мамлакатда 3 тадан стадионда бўлиб ўтиб, финал баҳслари 50 мингдан ортиқ ўринли ареналарда ўтказилади.

Стадион FIFA талабларига тўлиқ жавоб бериб, Осиёдаги энг йирик футбол ареналаридан бирига айланади.