24-августдан 4-сентябргача бўлиб ўтган чет тили бўйича имтиҳон натижалари чиқди

Бу ҳақда Билим ва малакаларни баҳолаш агентлиги хабар қилди.

Имтиҳон натижалари my.gov.uz сайтида эълон қилинган бўлиб, талабгорлар «Менинг аризаларим» бўлимидан ўз натижалари билан танишишлари мумкин.

Имтиҳондан муваффақиятли ўтган талабгорлар ўз сертификатларини my.gov.uz сайти орқали электрон тарзда юклаб олишлари мумкин бўлади.

Ўз натижасидан норози бўлган талабгорлар 3 кун мобайнида my.gov.uz сайти орқали апелляция шикояти беришлари мумкин. Апелляция шикояти икки ҳафта ичида кўриб чиқилади.