Академик лицейларга кириш тест натижалари эълон қилинди

Абитуриентлар якуний натижаларни my.edu.uz ҳамда my.gov.uz расмий платформаларидаги шахсий кабинети орқали билишлари мумкин.

Қайд этилишича, ўқувчилар тўплаган баллари асосида устуворлик бўйича танлаган академик лицейга ўқишга қабул қилинади.

Шунингдек, белгиланган тартибга мувофиқ, кириш тест синови натижаларидан норози бўлган ўқувчилар якуний натижалар эълон қилинган кундан бошлаб уч иш куни ичида my.edu.uz портали орқали шахсий кабинетидан электрон шаклда апелляция шикояти юбориш ҳуқуқига эга.