Ўзбекистон маҳаллалари уюшмасининг Косон тумани бўлими бошлиғига хизмат текшируви тайинланди

Ижтимоий тармоқларда унинг хонадон дарвозаси олдида фуқарога қўпол муомала қилиб, таҳдидли сўзлар айтаётгани акс этган видеолар тарқалди.

   “Сен мен билан ўйнадинг-а, давлат билан?! Тўхта, сени оёғимнинг тагига оламан! У замонинг ўтиб кетди, ўн марта видеога ол”, деган амалдор.

Хабарларга кўра, ҳолат 28 июль куни Убайдулла Очилов фуқародан кўчага тўкилган қумни олиб ташлашни талаб қилган вақтда содир бўлган. Томонлар ўртасида тортишув келиб чиққач, бўлим бошлиғи қўпол муомалага ўтган.

Уюшма матбуот хизмати мазкур видеода акс этган фуқарога нисбатан муомала ва сўзлашув услуби давлат хизматчиси одоб-ахлоқ меъёрларига мутлақо зидлиги таъкидланиб, бундай хатти-ҳаракатларни қатъиян қоралади. Ҳолат юзасидан хизмат текшируви ўтказиш учун ишчи гуруҳ тузилди. Ўрганиш якунлари бўйича ходимнинг хатти-ҳаракатларига қонунчилик доирасида ҳуқуқий баҳо берилади ҳамда тегишли чоралар кўрилиши билдирилди.