Юридик университетида контракт нархлари 46 фоизгача ошди

Бакалавриатнинг кундузги таълим шаклида бир йиллик контракт 22 496 700 сўм этиб белгиланди. 2025/2026 ўқув йилида ушбу сумма 16 695 000 сўм бўлган. Шу тариқа контракт нархи 5,8 млн сўмга ёки қарийб 35 фоизга ошган.

Бакалавриатнинг бошқа таълим шаклларида ўсиш янада юқори бўлди.

Сиртқи таълимда контракт миқдори 14 868 000 сўмдан 21 352 800 сўмга етди. Бу 43,6 фоизлик ўсишни англатади.

Масофавий таълимда эса бир йиллик контракт 13 860 000 сўмдан 20 208 900 сўмга ошди. Натижада ўсиш 45,8 фоизни ташкил қилди.

Магистратуранинг кундузги таълим шаклида ҳам контракт қимматлади. Унинг миқдори 18 585 000 сўмдан 24 403 200 сўмга етди. Бу 5,8 млн сўм ёки 31,3 фоиз кўп.

Шу тариқа, ТДЮУда 2026/2027 ўқув йили учун асосий тўлов-контракт миқдорларидаги энг катта ўсиш масофавий таълимда — 45,8 фоизни ташкил этди.