Ўқишни кўчиришда миллий ва халқаро сертификатлар муҳимми?

Хорижий ва нодавлат олий таълим ташкилотларидан давлат олий таълим муассасаларига ўқишни кўчириш истагида бўлган талабалар учун сертификатлар муҳим аҳамиятга эга.

Айрим миллий ва халқаро сертификатларга эга талабгорларга тегишли фанлар бўйича табақалаштирилган ёки максимал балл берилади.

Xорижий ва нодавлат олийгоҳдан давлат олийгоҳларининг мос ва турдош бакалавриат таълим йўналишларига ўқишни кўчиришда қуйидаги сертификатлар инобатга олинади:

• Миллий сертификатлар;
• Халқаро сертификатлар ("A Level" – кимё, математика, биология, физика фанлари, "B" ва ундан юқори даражадаги сертификатлар);

• Чет тили бўйича сертификатлар (В2 ва ундан юқори даража):

  - инглиз тили — IELTS (5.5+), TOEFL iBT (72+), Cambridge Exams, Linguaskill, iTEP;

  - немис тили — TestDaF, DSD, Goethe-Zertifikat;

  - француз тили — DELF/DALF, Test de Connaissance du Français (TCF);

  - испан тили — DELE, SIELE;

  - турк тили — TYS;

  - корейс тили — TOPIK II;

  - араб тили — AT Tanal Al Arabi;

  - хитой тили — HSK.

Миллий сертификатлар ахборот тизими орқали автоматик тарзда аниқланади.

Халқаро сертификатларга эга талабгорлар эса ариза топшириш жараёнида ушбу ҳужжатларни электрон шаклда тизимга юклашлари керак.

Ўқишни кўчиришни режалаштираётган талабаларга сертификатларининг амал қилиш муддати ва белгиланган талабларга тўлиқ мослигини олдиндан текшириб чиқишларини маслаҳат берамиз.