Тошкентнинг яна қайси кўчаларида автобуслар учун алоҳида йўлаклар ташкил этилади?

Яқиндагина пойтахтнинг Шота Руставели кўчасида ишга туширилган BRT (bus rapid transit) тизими шаҳарнинг камида 10 та кўчасини қамраб олади. Бу ҳақда 15 октябрь куни Тошкент шаҳри ҳокими Шавкат Умурзоқовнинг тақдимотидан маълум бўлди. 

Тошкент ҳокими президентга 2030 йилгача BRT тармоғини кенгайтириш режасини тақдим этди. У тўққиз йўналишни қамраб олади.

Биринчи босқич:

Шота Руставели кўчаси;

Шаҳрисабз кўчаси (Шота Руставели кўчаси давоми);

Амир Темур шоҳкўчаси;

Янги Сергели кўчаси.

Иккинчи босқич:

Махтумқули кўчаси;

Мирзо Улуғбек — Феруза — Юзработ кўчалари.

Учинчи босқич:

Лутфий ва Муқимий кўчалари;

Нурафшон кўчаси.

Тўртинчи босқич:

Қоратош — Кўкча Дарвоза кўчалари;

Кичик ҳалқа йўли — Паркент кўчаси.

Лойиҳанинг умумий қиймати 110 миллион долларга баҳоланмоқда. Бутун линия узунлиги 57,5 км бўлади.