Трамп ва Зеленский ўртасидаги суҳбат катта жанжалга айланиб кетди

Қайд этилишича, АҚШ Президенти Дональд Трамп ва мамлакат Вице-президенти Венс суҳбат давомида бир неча маротаба Украина Президенти Зеленскийга қарши фикр билдириб, унга нисбатан ҳурматсизлик кўрсатган. 

Оқибатда учрашув давомида катта эҳтимол билан имзоланиши керак бўлган Америка ва Украина ўртасидаги нодир металларга доир шартнома имзоланмай қолган. 

Катта тортишувдан сўнг Дональд Трамп дарҳол ўзининг Truth Social ижтимоий тармоғида Украина Президенти Зеленскийга қарата "у тинчликка тайёр эмас" дея пост жойлади. 

“Бугун бизда жуда муҳим суҳбат бўлди. Биз кўп нарсаларни ўргандик. Ҳиссиётлар ичида нимани тушуниш мумкинлигини кўриш ҳайратланарли. Ва мен шунга ишонаманки, Президент Зеленский АҚШ иштирокидаги тинчликка тайёр эмас. 

Мен имтиёзларни хоҳламайман, тинчликни хоҳлайман. У Овал офисда ҳурматсизликни кўрсатди. У тинчликка тайёр бўлганда қайтиб келиши мумкин", дея ёзган Трамп. 

Зеленский эса суҳбатдан кўп ўтмай Оқ уйни тарк этган ва журналистларга ҳеч қандай изоҳ бермаган. Бир соат ўтгач, унинг Хъдаги саҳифасида музокараларнинг муваффақиятсизлиги ҳақида ҳеч нарса билдирилмаган пост пайдо бўлди.

"Раҳмат Америка, қўллаб-қувватлаганингиз учун ташаккур, ушбу ташриф учун раҳмат. Раҳмат АҚШ президенти, Конгресс ва Америка халқи. Украинага узоқ муддатли адолатли тинчлик керак, ва биз айнан шу мақсадда ишлаяпмиз", дея ёзади Украина Президенти.