Туркия Ғазодаги можарони ҳал қилишда кафил бўлишга тайёр - Эрдўғон

“Тинчлик учун саъй-ҳаракатларга фақат оғзаки хизмат қилиш эмас, балки адолатли кафолатлар зарур”, - деди у.

Туркия раҳбарининг сўзларига кўра, барқарор тинчликка эришишнинг ягона йўли 1967-йилдаги чегаралар доирасида мустақил, суверен ва географик жиҳатдан яхлит Фаластин давлатини унинг пойтахти Шарқий Қуддусда ташкил этишдан иборат.

"Ҳозир Фаластин-Исроил муаммосига адолатли ечим топилмагунча Яқин Шарқда тинчлик ўрнатиш мумкин эмаслиги ҳаммага маълум", - деди у.

Эрдўғон Исроилнинг "бузуқ ва қонунсиз позициясини" Ғарб давлатлари томонидан қўллаб-қувватланиши билан изоҳлади.

Туркия Фаластин халқи билан бирдам, Туркия ҳукумати Ғазо секторидан 900 дан ортиқ беморни даволаш учун қабул қилганини, шунингдек, анклавда дала шифохонаси қуриш устида иш олиб бораётгани ҳақида гапирди Ражаб Тоййиб Эрдўғон.

М. Аббос, ўз навбатида, халқаро ҳамжамият Фаластин халқини ҳимоя қилиши кераклигини таъкидлади. “Фаластиннинг халқаро ҳимоясини таъминлаш учун саъй-ҳаракатларни кучайтириш керак”, - деди ва Фаластиннинг Бирлашган Миллатлар Ташкилотига аъзо бўлиши кераклигини таъкидлади.

М. Аббос Туркиянинг фаоллиги учун миннатдорчилик билдириб, Эрдўғоннинг позициясини қадрлашини айтди.