2027 йилдан ёш оилаларга ипотека кредитлари берилади

Бу ҳақда Ўзбекистон президентининг “Янги Ўзбекистон ёшлари – 2030” стратегияси тўғрисидаги фармонида белгиланган.

Ҳужжатга кўра, 2027 йил 1 январдан бошлаб уй-жойга муҳтож ёш оилалар учун ипотека дастури ишга туширилади.

Дастур шартлари

Янги тартибга мувофиқ:

• Ипотека кредити бўйича фоиз тўловларининг Марказий банк асосий ставкасидан ошган қисми давлат бюджети ҳисобидан қоплаб берилади;
• Ёш оилаларга бирламчи бозордан квартира сотиб олиш имконияти яратилади.

Кимлар ипотека олиши мумкин?

Қуйидаги талабларга жавоб берадиган оилалар дастурда иштирок этиши мумкин:

• эр ва хотиннинг ёши 30 ёшдан ошмаган бўлиши;
• сўнгги 3 йил давомида улар номида кўчмас мулк мавжуд бўлмаслиги.

Ушбу дастур ёш оилаларни уй-жой билан таъминлаш ва уларнинг ижтимоий ҳимоясини кучайтиришга хизмат қилади.