Ишончнома билан берилган авто: жарима баллари кимга ёзилади?

Янги тартибга кўра, автомобиль эгаси жарима баллари ўз номида қолмаслиги учун Давлат йўл ҳаракати хавфсизлиги хизмати органларини махсус тартибда хабардор қилиши керак бўлади.

Қарорга мувофиқ:
— хабардор қилиш ЯИДХП (my.gov.uz) портали ёки ЙҲХХ мобил иловаси орқали амалга оширилади;
— транспорт эгаси шахсий кабинет орқали сўровнома тўлдириб, бошқариш ҳуқуқи берилган муддатни кўрсатади;
— автони бошқараётган шахс эса электрон рақамли имзо, Mobile-ID ёки Face-ID орқали буни тасдиқлайди.

Шундан сўнг, қоидабузарликлар учун жарима ва баллар бевосита транспортни бошқарган шахс номига расмийлаштирилади.

Хизматдан фойдаланиш учун базавий ҳисоблаш миқдорининг 10 фоизи миқдорида йиғим тўланади.

Эслатма: агар хабардор қилиш амалга оширилмаса, жарима баллари автомобил эгаси номида қолиши мумкин.