Навоий шаҳри ҳокимлиги AI билан "яратилган" суратлар учун узр сўради

Ижтимоий тармоқларга материалларни тайёрлаш ва жойлаштириш жараёнида масъул ходимлар томонидан «эътиборсизликка йўл қўйилган». Маҳалла ҳудудидаги ўзгаришларни «кўргазмали ва сифатлироқ форматда» тақдим этиш мақсадида дизайн жараёнида сунъий интеллект элементларидан фойдаланилган ҳамда ушбу материаллар текширувдан ўтказилмасдан эълон қилинган.

Ҳокимлик баёнотида таъкидланишича, ижтимоий тармоқларга материаллар тайёрлаш жараёнида масъул ходимлар томонидан эътиборсизликка йўл қўйилган. Маҳалла ҳудудидаги ўзгаришларни кўргазмали тақдим этиш мақсадида дизайн жараёнида сунъий интеллект элементларидан фойдаланилган ва бу материаллар тегишли текширувдан ўтказилмасдан эълон қилинган. Ҳокимлик бундай ҳолатга йўл қўйган ходимларни огоҳлантирганини маълум қилди.

Шу билан бирга, ҳокимлик маҳаллада амалга оширилган ишларнинг ўзи ҳақиқий эканини таъкидлаб, аҳоли турмуш шароитини яхшилаш йўналишида салмоқли ишлар бажарилганини билдирди — жумладан, йўллар таъмирланиб, кўча ёритиш тизими ўрнатилгани, болалар майдончалари ва яшил ҳудудлар барпо этилгани айтилган. Натижаларнинг сунъий эмаслигини кўрсатиш учун ҳудуднинг ишлов берилмаган ҳақиқий фото-видео лавҳалари ҳам илова қилингани маълум қилинган.

Ҳокимлик, шунингдек, ОАВ вакиллари, блогерлар ва жамоатчиликни маҳаллага ташриф буюриб, бажарилган ишларга ўз жойида холис баҳо беришга таклиф этди ҳамда келгусида бундай хатоларга йўл қўймаслик учун назоратни кучайтиришни ваъда қилди.