updated: 22.03.2026, 16:28

Ўзбекистон ва Ал-Азҳар ўртасида янги илмий ҳамкорлик лойиҳалари йўлга қўйилади

Мисрнинг нуфузли илмий-диний маркази — “Ал-Азҳар” ва Ўзбекистон ўртасида илмий-таълимий ҳамкорлик янги босқичга кўтарилади. Қоҳирада бўлиб ўтган учрашувда Миср бош имоми, “Ал-Азҳар” мажмуаси раҳбари шайх Аҳмад ат-Тоййиб Ўзбекистон делегацияси — Президент администрацияси раҳбари Саида Мирзиёева бошчилигидаги вакиллар билан музокара олиб борди.

Ўзбекистон

10.12.2025, 10:14

Lotinchada

Улашиш:

Ўзбекистон ва Ал-Азҳар ўртасида янги илмий ҳамкорлик лойиҳалари йўлга қўйилади

Бу ҳақда мамлакатнинг диний-ижтимоий нашри Al-Liwaa Al-Islami хабар берди.

Томонлар икки давлат ўртасида илмий ва маърифий соҳадаги алоқаларни кенгайтириш масалаларини муҳокама қилдилар.

Учрашув чоғида қуйидаги йўналишларда ҳамкорликни кучайтириш бўйича келишувга эришилди:

олиму мутахассислар ўртасида тажриба алмашинуви дастурларини йўлга қўйиш;
ўзбек талабаларининг Ал-Азҳарда таҳсил олишини қўллаб-қувватлаш;
қўшма илмий-тадқиқот лойиҳаларини амалга ошириш;
конференция, семинар ва мастер-классларни мунтазам ўтказиш.

Ўзбекистон делегацияси мамлакатда диний-маърифий соҳада олиб борилаётган ислоҳотлар, экстремизмнинг олдини олишга қаратилган чора-тадбирлар ҳамда ёшлар билан ишлашда маърифатнинг ўрни ҳақида маълумот берди.

Шайх Аҳмад ат-Тоййиб Ўзбекистон билан тарихий ҳамкорликни юқори баҳолаб, икки томонлама илмий ва таълимий алоқаларни янада чуқурлаштириш зарурлигини қайд этди. Учрашув якунида қўшма илмий лойиҳалар, академик алмашинувлар ҳамда талабалар ва мутахассислар учун қўшимча грантлар ажратиш бўйича келгусидаги режалар тасдиқланди.

Маълумот учун, Саида Мирзиёева 8 декабрь куни Қоҳирадаги учрашув ҳақида ижтимоий тармоқларда маълум қилган эди.

Ўзбекистон

10.12.2025, 10:14

Улашиш:

#Саида Мирзиёева #Миср

мавзуга оид янгиликлар