Oʻzbekiston va Al-Azhar oʻrtasida yangi ilmiy hamkorlik loyihalari yoʻlga qoʻyiladi

 Bu haqda mamlakatning diniy-ijtimoiy nashri Al-Liwaa Al-Islami xabar berdi.

Tomonlar ikki davlat oʻrtasida ilmiy va maʼrifiy sohadagi aloqalarni kengaytirish masalalarini muhokama qildilar.

Uchrashuv chogʻida quyidagi yoʻnalishlarda hamkorlikni kuchaytirish boʻyicha kelishuvga erishildi:

• olimu mutaxassislar oʻrtasida tajriba almashinuvi dasturlarini yoʻlga qoʻyish;
• oʻzbek talabalarining Al-Azharda tahsil olishini qoʻllab-quvvatlash;
• qoʻshma ilmiy-tadqiqot loyihalarini amalga oshirish;
• konferensiya, seminar va master-klasslarni muntazam oʻtkazish.

Oʻzbekiston delegatsiyasi mamlakatda diniy-maʼrifiy sohada olib borilayotgan islohotlar, ekstremizmning oldini olishga qaratilgan chora-tadbirlar hamda yoshlar bilan ishlashda maʼrifatning oʻrni haqida maʼlumot berdi.

Shayx Ahmad at-Toyyib Oʻzbekiston bilan tarixiy hamkorlikni yuqori baholab, ikki tomonlama ilmiy va taʼlimiy aloqalarni yanada chuqurlashtirish zarurligini qayd etdi. Uchrashuv yakunida qoʻshma ilmiy loyihalar, akademik almashinuvlar hamda talabalar va mutaxassislar uchun qoʻshimcha grantlar ajratish boʻyicha kelgusidagi rejalar tasdiqlandi.

Maʼlumot uchun, Saida Mirziyoyeva 8 dekabr kuni Qohiradagi uchrashuv haqida ijtimoiy tarmoqlarda maʼlum qilgan edi.