updated: 22.03.2026, 13:26

Қачонгача Ўзбекистон болалари йўлларда ўлишда давом этади?! — Расул Кушербоев

Бугун ижтимоий тармоқларда пиёдалар йўлагидан ўтаётган мактаб ўқувчисини "Cobalt" машинаси уриб юборгани тасвирланган видео тарқалганди. Бироқ мазкур видео тасвир тармоқларда тарқалганига олти соат бўлганига қарамасдан ҳолат юзасидан расмийлар муносабат билдирмаётгани ҳақида PARADIGMA.UZ маълум қилган эди. Орадан саккиз соат ўтиб, яъни 7:20 да содир бўлган ҳодиса 15:09 да Тошкент вилояти ИИББ ЙҲХБ ахборот хизматида янгилик қилиб, Telegram'даги каналига жойланди.

Ўзбекистон

30.09.2024, 17:16

Lotinchada

Улашиш:

Qachongacha Oʻzbekiston bolalari yoʻllarda olishda davom etadi?! — Rasul Kusherboyev

Унда қайд этилишича, воқеа 07:45 ларда Тошкент вилояти Юқори Чирчиқ туманида жойлашган 14-сонли мактаб қаршисида содир бўлган. Шу йўл бўйлаб ҳаракатланиб келаётган "Cobalt" русумли автомашина ҳайдовчиси пиёдалар ўтиш жойидан кесиб ўтаётган 11 ёшли қизни уриб юборган.

Сўнг қиз ҳудуддаги марказий шифохонага олиб борилган ва биринчи тиббий ёрдам кўрсатилган. Аҳволи яхшилиги сабабли шифохонадан рухсат берилган. Ҳозирда ҳолат юзасидан Юқори Чирчиқ тумани ИИБ Йўл ҳаракати хавфсизлиги бўлими томонидан суриштирув ишлари олиб борилаётгани қўшимча қилинган.

Бироқ масъуллар томонидан берилган муносабат ижтимоий тармоқ фаолларини қониқтирмади. Масалан, Экология вазири маслаҳатчиси Расул Кушербоев "Қачонгача Ўзбекистон болалари йўлларда ўлишда давом этади?!" деган кинояли савол билан ўзининг Telegram'даги шахсий каналида пост қолдирган. Шунингдек, у қизчани уриб юборган ҳайдовчини "қотил" деб ҳам атаган.

"Қачонгача Ўзбекистон болалари йўлларда ўлишда давом этади? Маълум қилишларича, ушбу ҳолат Юқори Чирчиқ туманида юқори тезликда ҳаракатланиб келаётган ҳайдовчи (қотил) мактабга кетаётган ўқувчи болани уриб юборган.

Бизга хавфсиз йўллар керак. Болалар қўрқмасдан йўллардан ўтиб мактабга бориб келиши керак. ИИО ходимларини тасвирга олиб, интернетга жойлаганлик учун жазо бериш ташвиши билан яшаётганларга савол: ўзи қачонгача Ўзбекистон болалари йўлларда ўлишда давом этади?”, дея ёзган вазир маслаҳатчиси.

Хўш, сиз юқоридаги вазиятга қандай муносабат билдирасиз? Жойларда кузатилаётган бу ҳодиса уқувсиз ҳайдовчилар айбдорми ёки уларнинг шундай бўлишида етарлича тушунтириш бермаётган масъулларми?

Ўзбекистон

30.09.2024, 17:16

Улашиш:

#ЙТҲ #Расул Кушербоев

мавзуга оид янгиликлар