Соғлиқни сақлаш тизимида янги тайинловлар амалга оширилди

Аброржон Алижонов Соғлиқни сақлаш вазирлиги Тиббий ёрдамни ташкиллаштириш департаменти бошлиғи лавозимига тайинланди. У 2003 йил Андижон давлат тиббиёт институти бакалавриати ва 2006 йил магистратура босқичини тамомлаган. Илгари вазирликнинг Назорат инспекцияси бошлиғи сифатида фаолият юритган.

Умиджан Эралиев Соғлиқни сақлаш вазирлиги Оналик ва болаликни муҳофаза қилиш бошқармаси бошлиғи этиб тайинланди. У 2009 йил Тошкент педиатрия тиббиёт институтини, 2012 йил Тошкент тиббиёт академиясининг магистратура босқичини битирган. Тайинловга қадар Президент Администрацияси Соғлиқни сақлашни ривожлантириш шўъбасида бош инспектор бўлиб ишлаган.

Шунингдек, Даврон Султанов Соғлиқни сақлаш вазирлиги Назорат инспекцияси бўлими бошлиғи сифатида иш бошлайди. У 2005 йил Тошкент давлат тиббиёт институти, 2013 йил Тошкент педиатрия тиббиёт институти магистратураси битирувчиси ҳисобланади. Илгари Президент Администрацияси Ижтимоий ривожланиш департаменти шўъбаси мудири лавозимида ишлаб келган.