Янги “Тошкент – Самарқанд” автомобиль йўли 282 километрни ташкил этади

Президент транспорт инфратузилмасини ривожлантириш бўйича тақдимот билан танишди.

Тақдимотда “Тошкент – Самарқанд” муқобил автомобиль йўлини қуриш лойиҳаси кўриб чиқилди. Ушбу йўлнинг узунлиги 282 километр бўлиб, Тошкент, Сирдарё, Жиззах ва Самарқанд вилоятларини боғлайди.

Йўл I-а тоифада, цемент-бетон қопламали, ҳар икки йўналишда учтадан ҳаракат тасмаси билан қурилади. Лойиҳавий тезлик соатига 150 километрни ташкил этади.

Лойиҳа доирасида:

• 12 та транспорт ечими;
• 60 та туннелли ўтиш жойи;
• 91 та кўприк;
• 16 та йўл ўтказгич;
• 258 та дренаж иншооти ва интеллектуал транспорт тизимини жорий этиш кўзда тутилган.

Шунингдек, 12 та терминал, йўл бўйи инфратузилмаси ва вазн ўлчаш тизими ташкил қилинади.

Салоҳиятли инвесторлар билан музокаралар жараёнини жадаллаштириш ва қурилиш ишларини қисқа муддатларда бошлаш топширилди.