Afgʻoniston, Tojikiston hamda Qirgʻizistondan olib kirilgan giyohvandlik moddalarini sotmoqchi boʻlgan narkokurerlar ushlandi

Qayd etilishicha, Surxondaryo viloyatining Uzun tumanida yashovchi, 53, 50, 39 yoshli uch nafar fuqaro Tojikiston Respublikasidan 10 kg 50 gr "opiy" va 10 kg 29 gr "gashish" moddalarini kontranbanda yoʻli bilan olib oʻtgan vaqtlarida DXX Chegara qoʻshinlari harbiy xizmatchilari tomonidan qoʻlga olingan. 

Shuningdek, viloyatning Muzrabot tumanida narkokurerlar tomonidan Afgʻonistondan olib kelinib, hududdagi xufiya joyga qoldirib ketilgan 1 kg 953 gr "opiy" va 4 kg 116 gr "gashish" moddalarini qabul qilib olgan vaqtida Termiz shahrida yashovchi 43 yoshli muqaddam giyohvandlik vositalari savdosi bilan bogʻliq jinoyati uchun sudlangan shaxs ushlangan. Mazkur giyohvandlik moddalarini Termiz shahrida qabul qilib olgan 48 yoshli Qozogʻiston fuqarosi ham DXX xodimlari tomonidan qoʻlga olingan. 

Shu kabi viloyatning Termiz tumanida narkokurerlar tomonidan xufiya joyga qoldirib ketilgan 922 gr "opiy" va 4 kg 03 gr "gashish" moddalarini olib, doimiy yashash manziliga ketmoqchi boʻlgan vaqtida Samarqand shahrida istiqomat qiluvchi 47 yoshli fuqaro ham qoʻlga tushgan. Surishtiruv davomida mazkur shaxs ushbu giyohvandlik moddalrini har bir kilogrammini afgʻonistonlik narkosavdogarlardan 2300 AQSh dollaridan sotib olgani maʼlum boʻlgan. 

Yana viloyatning Sariosiyo tumanida 56 yoshli muqaddam giyohvandlik vositalari savdosi bilan bogʻliq jinoyati uchun sudlangan fuqaro toʻxtatilib tekshirilganda, uning yonida 4 kg 80 gr "gashish" moddasi borligi aniqlanib, prosessual tartibda rasmiylashtirib olingan. Maʼlum boʻlishicha, ushbu giyohvandlik vositasi Tojikiston Respublikasidan aylanma yoʻllar orqali olib kelingan. 

Bundan tashqari, Fargʻona viloyati Qoʻqon shahrida yashovchi, 46 yoshli shaxs boshqaruvidagi "Gentra" rusumli avtomashina toʻxtatilib tekshirilganda, uning salon qismida 975 gr "opiy" moddasi borligi aniqlanib, tegishli tartibda hujjatlashtirib olingan. Mazkur fuqaroning yashash xonadoni ham tekshirilganda uning uyidan 789 gr "opiy" hamda 5 kg 239 gr "gashish" moddalari topilgan. 

Aniqlanishicha, fuqaroga yuqorida qayd etilgan giyohvadnlik moddalri tojikistonlik narkosavdogarlar tomonidan yuborilgan. Fuqaro norqotik moddalrni Qoʻqon shahrida sotishni rejalashtirgan. 

Shu kabi Faragʻona viloyatining Quvasoy shahri hududida qirgʻizistonlik narkokurerlar tomonidan xufiya joyga qoldirib ketilgan 4 kg 922 gr "gashish" moddasini olib, doimiy yashash manziliga ketayotgan vaqtida Fargʻona shahrida istiqomat qiluvchi 26 yoshli fuqao ham qoʻlga olingan. 

Hozirda mazkur shaxslarga nisbatan jinoyat ishlari qoʻzgʻatilib, qamoq ehtiyot chorasi qoʻllanilgan.