"Andijon" klubi futbolchisi Milliy gvardiya xodimi bilan mushtlashdi

Unda aytilishicha, joriy yilning 11 avgust kuni Chilonzor tumanida joylashgan "Bunyodkor" stadionida "Bunyodkor-Andijon" jamoalari oʻrtasida futbol uchrashuvi boʻlib oʻtgan. Andijon futbol klubi aʼzosi Marlen Chabanov stadionning VIP boʻlimida oʻyinni tomosha qilgan. 

Uchrashuv yakunlanganidan soʻng, soat 22:05 da futbolchi VIP boʻlimi orqali ichkariga kirishga uringan. Maxsus ruxsatnomaga (beydjik) ega boʻlmagan fuqarodan Milliy gvardiya harbiy xizmatchisi uning qayerga ketayotganligini, chiqish uchun boshqa yoʻlakdan foydalanishi zarurligini aytgan. 

"Ammo fuqaro Marlen Chabanov harbiy xizmatchining qonuniy talablariga boʻysunmasdan, xizmat faoliyatiga qarshilik koʻrsatib, uning yuz qismiga qoʻli bilan bir marotaba urib, tan jarohati yetkazdi", 

deyiladi xabarda. 

Hozirda mazkur holat yuzasidan Chilonzor tumani prokuraturasi tomonidan Oʻzbekiston Respublikasi Jinoyat kodeksining 219-moddasi 2-qismi bilan jinoyat ishi qoʻzgʻatilib, dastlabki tergov harakatlari olib borilmoqda.

Maʼlumot uchun, futbolchi Marlen Chabanov 2000 yil 10 oktabr kuni Ukrainada tugʻilgan. U yoshligidan futbol bilan shugʻullanib, turli jamoalarda toʻp surgan. Chobanov 2020 yilning ikkinchi yarmidan "Paxtakor" bilan birga mashq qilishni boshlagan. 2021 yil yanvar oyida Chobanovning Ukraina klubi bilan shartnomasi tugaganidan soʻng, "Paxtakor" bilan ikki yillik shartnoma tuzgan. Chobanovning klubdagi yillik maoshi 482 mln 8 yuz ming soʻm (44,8 ming AQSh dollari)ni tashkil etgan.