Axsikentda yiliga kamida 1 million sayyohni jalb etish imkonini beradi turistik obʼektlar quriladi

«Axsikentdagi katta oʻzgarishlar turizmda tub burilish yasamoqda. Arxeopark bilan hamohang ravishda Sirdaryo boʻyida tashkil etilayotgan turistik infratuzilma sayyohlar uchun yangi qiziqarli lokatsiya boʻladi», - dedi Abdurazzoqov.

Ayni paytda Axsikentda 6 ta ochiq osmon va eksponatlar muzeyi va ramziy darvoza qurilshi jadal davom etmoqda.

Sirdaryoning qariyb 40 kilometr uzunlikdagi (272,1 gektar) qismida 650 ta turistik obʼekt joylashtirilishi rejalangan, bu yiliga kamida 1 million sayyohni jalb etish imkonini beradi. Bu boradagi ishlar haqida viloyat hokimi oʻrinbosari Botir Nuriddinov, Toʻraqoʻrgʻon va Mingbuloq tumanlari hokimlari Sherali Qosimov va Ahrorbek Mansurovlar taqdimot qilishdi.

Daryo qirgʻoqlarini mustahkamlash ishlarini koʻzdan kechirgan viloyat rahbari «Sherobod turizm» tomonidan barpo etilayotgan dor yoʻli loyihasi bilan tanishdi. Masʼullarga tegishli koʻrsatmalar berildi.