Buxoroda konserva mahsulotidan zaharlangan kelin vafot etdi

Qayd etilishicha, mazkur voqea viloyatning Shofirkon tumanida yuz bergan. Shifoxonaga murojaat qilgan oilaning 4 nafar a’zosida ham botulizm kasalligi aniqlangan. 

Ularning uch nafari sog‘aygan, ammo bir nafar fuqaro zaharlanish sabab 20 kunlik komadan so‘ng vafot etgan. 

Botulizm — botulotoksin zahari sababli yuzaga keladigan og‘ir intoksikatsion kasallik bo‘lib, bu toksin asab tizimini zararlaydi va mushaklarning falajlanishiga olib kelishi mumkin.

Uning asosiy belgilari ko‘rishning xiralashishi, og‘izning qurib qolishi, yutinishning qiylashishi, mushaklarning kuchsizligi va falajlanish hisoblanadi.