Buxoroda oʻzi bilan ikki farzandini suvga tashlamoqchi boʻlgan ayolga hukm oʻqildi tashlamoqchi boʻldi

Buxoro viloyatida 22 yoshli ayol ikkala farzandi bilan birga oʻz joniga qasd qilishga urindi. Bu haqda Bu kun dasturi reportajida xabar berildi.

His-hayajon taʼsirida u ikki farzandini olib, kanal tomon yoʻl olgan. U yerda avval katta oʻgʻlini suvga tashlagan, soʻngra esa qoʻlida kichik farzandi bilan oʻzi ham suvga sakragan.

Voqeaga guvoh boʻlgan fuqarolar katta bolani qutqarib qolishgan. Ayol esa kichik oʻgʻlini suvdan oʻzi chiqargan. Barcha jabrlanuvchilar shifoxonaga yetkazilgan.

Garchi ogʻir oqibatlar oldi olingan boʻlsa-da, Romitan tumani sudi ayolni voyaga yetmagan ikki farzandini qasddan oʻldirishga suiqasd qilishda aybdor deb topdi.

Sud hukmiga koʻra, u Oʻzbekiston JKning 97-moddasi 2-qismi «a, v» bandlari (ikki yoki undan ortiq, aybdor uchun ojiz holda boʻlgan shaxslarni qasddan oʻldirishga suiqasd) bilan jinoyat sodir etganlikda aybdor deb topildi va 4 yilga ozodlikdan mahrum etildi.