Falastinni qo‘llab-quvvatlagan chet ellik namoyishchilar Amerikadan chiqarib yuboriladi

Farmon matniga koʻra, AQSh siyosatida antisemitizmga qarshi kurash qatʼiy olib boriladi. Noqonuniy antisemitizm va zoʻravonlik uchun aybdorlar jinoiy javobgarlikka tortiladi. Ularni toʻxtatib turish yoki boshqa yoʻl bilan javobgarlikka tortish uchun barcha tegishli huquqiy vositalardan foydalaniladi. 

Shuningdek, Tramp 2023 yil 7 oktabrda HAMAS tashkilotining Isroilga hujumidan keyin boshlangan Yaqin Sharqdagi mojaroning kuchayishi munosabati bilan oʻtkaziladigan kampus va koʻchalardagi namoyishlarga qarshi kurashish uchun federal resurslarni safarbar qilishini vaʼda qilmoqda.

"Mamlakatda yashovchi va "jihod"ni qoʻllab-quvvatlovchi noroziliklarga qoʻshilgan barcha chet elliklarni ogohlantiramiz: 2025 yilda biz sizni topamiz va deportatsiya qilamiz. Shuningdek, men radikalizmga chalinib, HAMAS tashkilotining tarafida turgan barcha universitet talabalarining vizasini bekor qilaman", deya qayd etilgan Tramp nomidan yozilgan matnda.

Kolumbiya universitetining katta huquqshunoslaridan biri Kerri Desellning soʻzlariga koʻra, AQShda yashovchi chet elliklarni faqat siyosiy bayonotlar asosida chiqarib yuborish mamlakat konstitutsiyasiga zid boʻlgan narsa. Bu soʻz erkinligiga cheklovni anglatadi. 

Oʻz navbatida, Amerika – Islom munosabatlari kengashi (CAIR) tashkilotidagi inson huquqlari faollari agar hukumat bu farmonni amalga oshirishga harakat boshlansa, Trump farmoniga muvofiq sudga murojaat qilishlarini maʼlum qildi. 

Arab – Amerika instituti Inson huquqlarini himoya qilish tashkiloti ijrochi direktori Mayya Berrining aytishicha, Amerika jamiyati Trampning farmonidan qattiq xavotirda. Shuningdek, u rasmiylarning bu harakatini AQShda soʻz erkinligini buzish deb taʼrifladi.