Gʻazo sektorida yana yuzdan ortiq odam halok boʻldi

SAXAL oʻz navbatida, drondan olingan videoni eʼlon qildi, unda oziq-ovqat yuk mashinalarini oʻrab turgan olomon tasvirlangan.  Isroil rasmiylariga koʻra, odamlar mashinalar gʻildiraklari ostida va tiqilinchda qolish natijasida halok boʻlgan.  

"Isroil askarlari haqiqatdan ham bir necha falastinlikka oʻq uzgan, chunki ular ogohlantirishlarga eʼtibor bermagan va xavf tugʻdirgan", deya yozadi The Times of Israel.

SAXAL hodisa natijasida 10 tadan kamroq odam halok boʻlganini tan oldi. Isroilliklar tomonidan olib borilgan dastlabki tergovga koʻra, bir necha yuk mashinalari Gʻazo sektori tomon harakatlangan, biroq yoʻlda qurollangan odamlar ularga qarata oʻq uzgan va oziq-ovqatlarni talon-taroj qilgan.  

SAXAL falastinliklar oʻlimini tekshirishda davom etishini va kelajakda shunga oʻxshash hodisalarning oldini olish uchun yechim topishga harakat qilishini maʼlum qildi.