Germaniyada Temu’ga nisbatan tergov boshlandi

Germaniya Federal kartel idorasi Temu elektron tijorat platformasining bozordagi sotuvchilar narxlariga taʼsiri boʻyicha tergov boshladi.

Idora bayonotida qayd etilishicha, tergov doirasida “Xitoy kompaniyasi oʻz elektron tijorat platformasidagi uchinchi tomon sotuvchilarining narxlariga taʼsir koʻrsatayaptimi-yoʻqmi” degan masala oʻrganiladi.

Tergov Dublinda roʻyxatdan oʻtgan va Germaniyada Temu nomi ostida faoliyat yuritayotgan Whaleco Technology Limited kompaniyasiga nisbatan boshlandi.

Germaniya Federal kartel idorasi rahbari Andreas Mundt vaziyatni baholar ekan shunday dedi:

“Biz Temu Germaniya bozoridagi sotuvchilar uchun qabul qilib boʻlmaydigan narx belgilash shartlarini oʻrnatgan, degan gumonni tekshirmoqdamiz. Bu kabi shartlar raqobatni jiddiy cheklashi va oxir-oqibatda boshqa savdo kanallarida narxlarning oʻsishiga olib kelishi mumkin”.

Mundtning maʼlum qilishicha, Temu platformasi Germaniyalik sotuvchilar uchun taxminan bir yil oldin ochilgan. Hozirgi vaqtda Xitoy kompaniyasining Germaniyada 19,3 million faol foydalanuvchisi bor, shuningdek, har oy Yevropadagi Temu elektron tijorat platformalarini 100 milliondan ortiq foydalanuvchi tashrif buyuradi.