Ekonomi Ulke: “Oʻzbekiston xorijiy investorlarga qulay shart-sharoit taklif qilmoqda”

Ushbu materialda Oʻzbekistondagi investitsiya muhiti, xususan, turk sarmoyadorlariga yaratilayotgan qulaylik, Oʻzbekistonning savdo va investitsiya sohasidagi imkoniyatlari batafsil tahlil qilingan. 

Shuningdek, muallif Turkiya savdo vaziri Omer Bolatning quyidagi fikrlarini iqtibos sifatida keltirgan:

– Turkiya va Oʻzbekiston oʻrtasidagi hamkorlik soʻnggi yillarda izchil rivojlanmoqda. Ikki mamlakat yetakchilari tomonidan belgilangan strategik sheriklik darajasi savdo, sanoat, qishloq xoʻjaligi, transport-logistika va investitsiya sohalarida yangi imkoniyatlar ochyapti. Natijada oʻzaro savdo aylanmasi barqaror oʻsib boryapti. Yaqin yillarda ushbu koʻrsatkichni 5 milliard dollarga chiqarish rejalashtirilgan.

Maqola Oʻzbekistonda faoliyat olib borayotgan “Kos Construction”, “Nobel Pharmsanoat”, OSTIM, ODAS, “CCI Uzbekistan” va “Aksa Enerji” singari kompaniyalar tajribasi xususidagi maʼlumotlar bilan boyitilgan.

– Turkiyalik ishbilarmonlar fikricha, Oʻzbekistondagi erkin iqtisodiy zonalar, sanoat klasterlari va infratuzilmaviy loyihalar mavjud investitsiya salohiyatini namoyon etib, yangi qoʻshma korxonalar tashkil etilishiga xizmat qilmoqda, – deb yozadi nashr. – Ayniqsa, mahalliy mutaxassislarning yuqori malakasi va qatʼiy mehnat intizomi hamkorlikdagi faoliyat samaradorligini taʼminlamoqda.