Eski yoki yirtilgan dollar banknotasini nima qiliş kerak?

Milliy valyutaga ayirboşlaş. Eski va muomalada bölgan banknotalarni milliy valyutaga almaştirish eng tezkor yeçim hisoblanadi. Şikastlanish darajasiga qarab, banklar tomonidan amaldagi qoidalarga muvofiq vositaçilik haqi (komissiya) uşlab qolinadi;

Xorijiy davlatlarda foydalaniş. AQŞ, Kanada va Yevropa Ittifoqi hududida istalgan yilda çiqarilgan dollar banknotalari çeklovlarsiz qabul qilinadi. Turkiya, BAA hamda bir qator Osiyo va Lotin Amerikasi mamlakatlarida esa eski namunadagi banknotalar uçun ayirboşlaş kursi pastroq belgilanişi yoki qöşimça talablar qöyilişi mumkin;

AQŞ Federal Zaxira Tizimi (FRS) orqali almaştiriş. Banknota sezilarli darajada şikastlangan, ammo uning umumiy maydonining 50 foizdan ortiq qismi saqlanib qolgan bölsa, u töğridan-töğri AQŞ FRS tizimi orqali nominal qiymatida almaştirib beriladi. Uşbu xizmat asosan AQŞga taşrif buyuruvçilar uçun qulay;

Jamğarma sifatida saqlaş. AQŞ dollari banknotalarining amal qiliş muddati çegaralanmagan bölib, ular rasman muomaladan çiqarilmaydi. Şunga qaramay, vaqt ötişi bilan tijorat banklari hamda ayirboşlaş şoxobçalarida eski seriyalarni maqbul kursda topşiriş talablari qatʼiylaşib borişi mumkin.