Qamchiq dovonida yangi turistik maskan quriladi

Joriy yilning 13 oktabr kuni Namangan viloyati hokimi Shavkatjon Abdurazzoqov ushbu loyihani doirasida Doppelmayr / Garaventa guruhi vakillari – Joxannes Triyebnik, Valeriy Yashin, Yevgeniy Kuprinni qabul qilib, loyihaning ahamiyati va amalga oshiriladigan qurilish obʼektlarini muhokama qilgan. Bu haqda Namangan viloyati hokimligi matbuot xizmati xabar qildi.

Xabarda qayd etilishicha, mazkur loyihani Namanganning yirik tadbirkorlaridan biri Jobirxon Kamoliddinov moliyalashtirmoqda.

Maʼlumot uchun, Doppelmayr / Garaventa guruhi  — Avstriya va Shveysariyada tashkil topgan, kanatli yoʻllar (ropeways), gondolalar, liftlar, yoʻlovchi va material tashish sistemalari ishlab chiqaruvchi yirik kompaniyalar guruhi. Guruh turli texnologiyalar, sistemalar va xizmatlar boʻyicha yetarlicha keng portfelga ega. Kompaniya dunyo boʻylab 96 ta mamlakatda 15,000 dan ortiq kanat yoʻllari loyihalashtirgan.