Quyosh panellari oʻrnatganlarga 63 mlrd soʻmdan ziyod subsidiya berilgan

Subsidiyaning eng katta qismi quyidagi hududlarga toʻgʻri kelmoqda:

Xorazm viloyati - 19,2 mlrd soʻm;

Qoraqalpogʻiston Respublikasi - 9,7 mlrd soʻm;

Toshkent shahri - 4,9 mlrd soʻm.

Subsidiya qanday olinadi? 

Subsidiyani “Soliq” mobil ilovasi "Keshbek va imtiyozlar" xizmatining “Quyoshli xonadon” boʻlimidagi “Kartaga pul oʻtkazish” oynasi orqali bank kartasiga oʻtkazib olish mumkin.

Eslatib oʻtamiz, 2023-yil 1-apreldan “Quyoshli xonadon” dasturi doirasida xonadoniga quyosh panellarini oʻrnatgan jismoniy shaxslarga quyosh paneli orqali ishlab chiqarilgan va yagona elektr energetika tizimiga uzatilgan elektr energiyasining har bir kilovatt soati uchun 1000 soʻmdan subsidiya ajratilishi belgilangan.