Shakardan shirin, foydali va shifobaxsh oʻsimlik – steviya

Insoniyatga XV asrdan buyon maʼlum boʻlgan, dunyo bozorida xaridorgir mahsulot hisoblangan svetiya oʻsimligi 1986 yildan buyon yurtimizda ham yetishtirib kelinadi.

Bu oʻsimlik shakarga nisbatan 150 barobar shirinligi bilan ajralib turadi. Oʻsimlikni qayta ishlashdan olinadigan rebadiozid moddasi bilan esa 300 barobargacha shirin hisoblanadi

Shakarning oʻrnida isteʼmol qilish uchun muqobil tanlov boʻlgan ushbu mahsulot:

– immunitetni oshirish;

– qandli diabetni davolash;

– miya qobigʻini tetiklashtirish;

– moddalar almashinuvini yaxshilash;

– meʼda-ichak yoʻllari faoliyatini ham yaxshilash;

– shakardan farqli ravishda tanadagi ortiqcha yogʻlarni parchalash kabi bir qator foydali xususiyatlarni oʻz ichiga oladi.

Qolaversa, oʻsimlik barglari va yosh poyasidan tayyorlangan damlama hamda spirtdagi eritmasi bosh ogʻrigʻi, gripp, OʻRVI, shuningdek xotin-qizlarda uchraydigan ayrim xastaliklarni davolashda qoʻllaniladi.

Koʻrinishidan yalpizni eslatib yuboradigan ushbu oʻsimlikni nafaqat dala, balki uy sharoitida ham yetishtirish mumkin.