Irlandiya prezidenti: “Isroil BMTdan chiqarilishi kerak”

Uning taʼkidlashicha, yaqinda taqdim etilgan mustaqil ekspertlar hisoboti Isroilning Gʻazoda genotsid sodir etayotganini koʻrsatgan va bu hujjat “juda muhim” hisoblanadi.

“Genotsid qilayotganlar va ularni qoʻllab-quvvatlovchilarga nisbatan qatʼiy chora koʻrish kerak. Biz ularni BMTdan chiqarish haqida oʻylab koʻrishimiz lozim”, – dedi Xiggins.

Uning soʻzlariga koʻra, insoniyatga qarshi bunday harakatlarga qoʻshilganlar bilan savdo aloqalari ham toʻxtatilishi kerak.

Isroil esa komissiya xulosasini rad etib, genotsid ayblovini “antisemitizm” deb atagan.