Kim Chen In yangi harbiy maqsadlarni eʼlon qildi

Bu haqda davlat axborot agentligi KCNA xabar berdi. U, shuningdek, sunʼiy intellekt qoʻllanilayotgan raketa dasturidagi yutuqlarni taʼkidladi.

Maʼlum qilinishicha, Mehnat partiyasining 9-qurultoyi arafasida 600 mm kalibrli 50 ta koʻp zaryadli raketa otish moslamasi taqdim etilgan. Marosim Pxenyanda yangi qurilish loyihasiga tamal toshi qoʻyish tadbiri bilan bir kunda oʻtkazilgan.

Kim Chen In bu qurollar aniqlik va qudrat jihatidan yuqori aniqlikdagi ballistik raketaga yaqin ekanini, ular “strategik vazifalar”ni bajarishga moʻljallanganini aytgan. Janubiy Koreya OAV bu bayonotni yadroviy imkoniyatlarga ishora sifatida baholamoqda.

Qurultoy mamlakatdagi eng yirik siyosiy tadbir boʻlib, unda yangi maqsadlar belgilanadi. Janubiy Koreya harbiylari esa Shimoliy Koreyaning qurol dasturini yaqindan kuzatayotganini bildirdi.