Xodimlari oyligida taqchilligi boʻlgan madaniyat vazirligi "The voice Uzbekistan" loyihasiga 2 mlrd ajratdi

Teleloyihada qatnashuvchilarning ustozlari uchun (3 kishi) oyiga 38 mln. soʻmdan 6 oy davomida (684 mln. soʻm) gonorar yozilgan. 6 nafar sozandaga 14,5 mln. soʻmdan 6 oy davomida 522 mln. soʻm, musiqa direktori uchun 38 mln. soʻmdan 6 oy davomida 228 mln. soʻm ajratilgan. Eng koʻp gonorar badiiy rahbarga belgilangan: 57 mln. soʻmdan 6 oyda 342 mln. soʻm. 

Yaqinda madaniyat vaziri ishtirokida oʻtkazilgan matbuot anjumanida vazirning oʻzi hozir Madaniyat vazirligiga ajratilayotgan mablagʻlar ilgari 10 yillarda ham ajratilmaganligini va shunga qaramay tizimning tuman boʻlinmalarida hali ham kam oylik oluvchi yoki ishini yaxshi koʻrganidan shu sohada ishlab yurganlar borligini aytgan edi.

Maʼlumot uchun, yaqinda Iqtisodiyot va moliya vazirligi eʼlon qilgan maʼlumotlarda birinchi chorak yani yanvar mart oylarida Oʻzbekistonning byudjet defitsidi 19, 8 trln soʻmni tashkil etganligi va bu oxirgi 12 yildagi rekord koʻrsatgich ekanligi aytilgan ediyu