Marburg virusi sabab Oʻzbekistonda nazorat kuchaytirilmoqda — SES

Unda qayd etilishicha, 28 sentabrda Ruanda davlatidagi 30 ta okrugning yettitasida 26 nafar fuqaro Marburg virusiga chalingan.

Shulardan 6 nafari kasallikdan vafot etgan. JSST ushbu epidemiya xavfini milliy va mintaqaviy darajada yuqori va butun dunyo darajasida past deb baholamoqda.

"Marburg virusi orqali insonlarda kuzatiladigan kasallik alomatlarini, bildirilayotgan isitmasini oldini olish maqsadida Oʻzbekistonda ham davlat chegarasini kesib oʻtish joylarida faoliyat yuritayotgan sanitariya nazorat punktlarining (CNP) hushyorligi oshirilgan. Shu oʻrinda fuqarolarimizga jiddiy xavotirga oʻrin yoʻqligini maʼlum qilamiz", deyiladi qoʻmita xabarida.

Shuningdek, unda infeksiya boʻyicha aholining xabardorligini oshirish maqsadida aholi orasida tushuntirish va targʻibot ishlarini amalga oshirilayotgani qayd etilgan.