Markaziy Osiyo davlatlari yoz mavsumi uchun Amudaryo va Sirdaryo suvini taqsimlab oldi

Komissiya rasmiy saytida hozircha mintaqa davlatlari tomonidan dalalarni sugʻorish uchun qancha suv olinishi, Orol dengiziga qancha suv yetkazilishi haqida maʼlumot yoʻq.

Har yili limitga koʻra Amudaryo havzasidan suv olish 56 milliard kub metrni tashkil etadi, shundan 40 milliard kub metrga yaqin suv vegetatsiya davrida – apreldan oktabrgacha toʻgʻri keladi. Kelishuvga koʻra, oʻtgan yillarda vegetatsiya davrida Tojikistonga 6,9 milliard kub metr, Oʻzbekistonga 16 milliard, Turkmanistonga 15,5 milliard kub metr suv yetkazib berilgan.

Sirdaryo havzasidan har yili suv olish limiti esa taxminan 11,9 milliard kub metrni tashkil etadi, shundan Tojikistonga 1,9 milliard kub metr, Oʻzbekistonga 8,8 milliard, Qozogʻistonga 920 million, Qirgʻizistonga 270 million kub metr suvni yozgi vegetatsiya davrida olish mumkin.