Markaziy Osiyoda hali ham suv taqsimoti boʻyicha kelishuv yoʻq

Suv masalasi nafaqat Markaziy Osiyo balki butun dunyodagi muammo hisoblanadi. Lekin suv bilan bogʻliq statistikalar har doim ham ochiqlanavermaydi. Bu esa odamlarning cuv resurlarini tajmasdan ishlatilishiga olib keladi, deydi  eko bloger Oʻrikgul i(Moʻʼtabar Xushvaqtova)

AQShning Oʻzbekistondagi elchixonsi ekologiya mavzusini chuqurroq oʻrganish maqsadida 3 kunlik seminar trening oʻtkazdi. Trening davomida Oʻzbekistondagi eko bloger Moʻʼtabar Xushvaqtova oʻzining ekologiyaga oid bilimlari bilan oʻrtoqlashdi. Seminarning birinchi kuni umumiy ekologiya, ikkinchi kuni suv, uchinchi kuni esa plastik paketlar mavzusida boʻldi. 3 kunlik seminar treningda 100 ga yaqin yoshlar ishtirok etdi va ularga "Suv tekin emas" ligi, plastik paketlar oʻrniga ularing muqobil variantini ishlatish boʻyicha tavsiyalar berildi.

Bundan tashqari treningning eng qiziq qismi suv bilan bogʻliq statistikalar boʻldi. Misol uchun, odam bir marta tish yuvish davomida ishlatiladigan suv miqdori va bir marta yuvinish uchun sarflaydigan suv oʻrtasida deyarli tafovut yoʻq. Qoʻl yuvish uchun kuniga 8 litr, unitazga 15 litr, yuvinish uchun 20 litr, kir yuvish uchun esa 130 litr suv sarflar ekan. Bular orasida ushbu ishlarga ichimlik suvidan foydalanadigan aholi ham bor. Ichimlik suvi esa eng zaxirasi kam suv hisoblanadi.