Oliygoh va litseylarda oʻqish qachon boshlanishi maʼlum qilindi

akademik litseylarning barcha bosqich oʻquvchilari va oliy taʼlim muassasalarining 1-bosqich talabalari uchun dars jarayonlari 2025 yil 3 sentabr, chorshanba kunidan;

oliy taʼlim tashkilotlarining 2- va undan yuqori bosqich talabalari uchun 8 sentabr, dushanbadan boshlanadi.

OTMlarda 1-kursga qabul qilingan talabalar uchun “Kredit taʼlimi tizimiga kirish” haftaligi hamda “Talabalikka bagʻishlov” tadbirlari tashkil etiladi. Haftalik doirasida:

talabalar OTM faoliyati bilan tanishtiriladi, kredit-modul tizimining mazmun-mohiyati tushuntiriladi;

tanlov fanlari maqsadli tanlanadi;

talabalarda mustaqil taʼlim koʻnikmalarini shakllantirish, akademik halollik tamoyillari va kasbiy hamda shaxsiy rivojlanish masalalari yuzasidan targʻibot-tashviqot ishlari amalga oshiriladi.