Olmazor tumanidagi ombordan vodorod peroksidi sizib chiqib, havoni ifloslantirmoqda

Ijtimoiy tarmoqlarda dushanba kuni soat 02:10 atrofida Toshkent shahrining Olmazor tumanida zaharli gaz havoga tarqalayotgani haqida xabarlar tarqaldi.

Air.Tashkent xizmatining havo sifati datchiklari soat 01:00 dan boshlab Olmazor tumanida (423-sonli bolalar bogʻchasi hududida) havo ifloslanishining "xavfli" va "oʻta xavfli" darajada yuqori ifloslanish koʻrsatkichlarini qayd etgan.

Ushbu platforma tungi soat 02:00 muddatda oʻsha nuqtadagi datchik atmosfera ifloslanish indeks qiymatini 500 koʻrsatkichda taqdim etgan. Bu “oʻta xavfli” havo ifloslanish qiymatidir. Oʻsha hududga yaqin aholi havoda tumanga oʻxshash xiralik va burun uksus moddasini hidlagani kabi juda zaharli hid bilan toʻqnash kelgani taʼkidlangan.

Soat 06:00 da ham ushbu datchik 328 indeks koʻrsatkich bilan hamon havoda ifloslanish juda yuqori ekanini koʻrsatmoqda.

FVVning maʼlum qilishicha, Olmazor tumani, Uzumbogʻ koʻchasida havodan oltin gugurt hidi kelganligi haqida xabar kelib tushgan.

Toshkent shahar FVBning Radiatsion, va tibbiy-biologik himoya boʻlimlari aytilgan manzilga yetib bordi.

Birlamchi maʼlumotlarga koʻra omborxonada saqlash sigʻimdan vodorod peroksid ochiq havoga sizib chiqishi kuzatilgan, hozirda FVV ushbu holatni bartaraf etish ishlari olib borilmoqda.

"Holat soat 04:00 da toʻliq bartaraf etilgan. Hozirda surishtiruv ishlari olib borilmoqda", — deyiladi FVV xabarda.