Олмазор туманидаги омбордан водород пероксиди сизиб чиқиб, ҳавони ифлослантирмоқда

Ижтимоий тармоқларда душанба куни соат 02:10 атрофида Тошкент шаҳрининг Олмазор туманида заҳарли газ ҳавога тарқалаётгани ҳақида хабарлар тарқалди.

Аir.Тashkent хизматининг ҳаво сифати датчиклари соат 01:00 дан бошлаб Олмазор туманида (423-сонли болалар боғчаси ҳудудида) ҳаво ифлосланишининг "хавфли" ва "ўта хавфли" даражада юқори ифлосланиш кўрсаткичларини қайд этган.

Ушбу платформа тунги соат 02:00 муддатда ўша нуқтадаги датчик атмосфера ифлосланиш индекс қийматини 500 кўрсаткичда тақдим этган. Бу “ўта хавфли” ҳаво ифлосланиш қийматидир. Ўша ҳудудга яқин аҳоли ҳавода туманга ўхшаш хиралик ва бурун уксус моддасини ҳидлагани каби жуда заҳарли ҳид билан тўқнаш келгани таъкидланган.

Соат 06:00 да ҳам ушбу датчик 328 индекс кўрсаткич билан ҳамон ҳавода ифлосланиш жуда юқори эканини кўрсатмоқда.

ФВВнинг маълум қилишича, Олмазор тумани, Узумбоғ кўчасида ҳаводан олтин гугурт ҳиди келганлиги ҳақида хабар келиб тушган.

Тошкент шаҳар ФВБнинг Радиацион, ва тиббий-биологик ҳимоя бўлимлари айтилган манзилга етиб борди.

Бирламчи маълумотларга кўра омборхонада сақлаш сиғимдан водород пероксид очиқ ҳавога сизиб чиқиши кузатилган, ҳозирда ФВВ ушбу ҳолатни бартараф этиш ишлари олиб борилмоқда.

"Ҳолат соат 04:00 да тўлиқ бартараф этилган. Ҳозирда суриштирув ишлари олиб борилмоқда", — дейилади ФВВ хабарда.