Sogʻliqni saqlash tizimini transformatsiya qilish boʻyicha takliflar koʻrib chiqildi
Prezident Shavkat Mirziyoyev 19 avgust kuni sogʻliqni saqlash tizimini transformatsiya qilish va tibbiy yordam sifatini oshirishga qaratilgan takliflar taqdimoti bilan tanishdi.
Siyosat
20.08.2025, 12:05
Ulashish:

Фото: Пресс-служба президента Республики Узбекистан
Bugun kasalliklarni davolashda katta yuklama respublika muassasalariga tushmoqda. Shu bois viloyat va tuman miqyosida xizmatlarni kengaytirib, tibbiyotni aholiga yaqinlashtirish choralari koʻrilmoqda.
Shu maqsadda 1 ming 500 ta klinik protokol xalqaro talablarga moslashtiriladi va standart jarrohlik amaliyotlari ishlab chiqiladi. Eng keng tarqalgan kasalliklar boʻyicha bemorlar marshrutlari ishlab chiqiladi va raqamlashtiriladi.
Soʻnggi yillarda insult va infarktga olib keladigan gipertoniya, yurak ishemik kasalligi va qandli diabetning koʻpayishi kuzatilmoqda. Bunday holatlarning 85 foizi nogironlikka olib kelmoqda.
Shu bois birlamchi boʻgʻinda sunʼiy intellektni keng qoʻllagan holda ushbu kasalliklarning oldini olish va davolash boʻyicha yangicha protokol va yondashuvlarni joriy qilish taklifi bildirildi. Jumladan, EKG-telemetriya, telemeditsina, trombolizis terapiya, stentlash va tromboekstratsiya yoʻlga qoʻyiladi. Insult belgilarini erta aniqlash algoritmini ommalashtirish va aholiga oʻrgatishga alohida eʼtibor qaratiladi.
Nevrologik kasalliklar va insultni samarali davolash maqsadida Milliy nevrologiya va neyroreabilitatsiya tibbiyot markazi tashkil etiladi. Markaz uchun Toshkent shahrida 250 oʻrinli zamonaviy bino quriladi, unda yiliga 3 mingdan ortiq jarrohlik amaliyotini oʻtkazish imkoniyati boʻladi.
Markaz hamda Samarqand va Buxorodagi tibbiyot oliy oʻquv yurtlari klinikalari zamonaviy uskunalar bilan jihozlanadi. Yaponiyalik hamkorlar koʻmagida xalqaro standartlar boʻyicha erta reabilitatsiya xizmati joriy etiladi. 150 nafar mutaxassis xorijda malaka oshiradi. Loyiha uchun 150 million AQSh dollari yoʻnaltiriladi. Ushbu chora-tadbirlar nogironlik va mehnatga layoqatsizlikni kamaytirish imkonini beradi.
Shuningdek, amaldagi sogʻliqni saqlash tizimini xaritalash va raqamlashtirish, shu asosda tibbiyot muassasalarini yagona yondashuv asosida tashkil etish boʻyicha master-reja ishlab chiqish taklifi bildirildi. Bu ishlar doirasida yangi qurilish standartlari, poliklinika va kasalxonalarning namunaviy loyihalari shakllantiriladi, 210 ta sanitariya normasi qayta koʻrib chiqiladi.
Bugungi kunda aholining laboratoriya tahlillariga ishonchi birmuncha past. Laboratoriya xizmatining sustligi profilaktika va davolashni qiyinlashtirmoqda. Tuman darajasidagi 2800 ta poliklinikaga 1500 ta laboratoriya xizmat koʻrsatayapti, uskunalarning aksariyati eskirgan, ayrim tahlillar qoʻlda bajariladi.
Shu bois 2030 yil yakuniga qadar 198 ta markazlashgan laboratoriya tashkil etish, ichki va tashqi sifat nazoratini yoʻlga qoʻyish, jarayonlarni toʻliq raqamlashtirish koʻzda tutilgan. Shu bilan birga, bepul tahlillar soni oshiriladi.
Professional va oliy tibbiy taʼlimni rivojlantirishga alohida eʼtibor qaratildi.
Hamshiralar akademiyasini Toshkent davlat tibbiyot universiteti huzuridagi Professional tibbiyot akademiyasiga aylantirish taklifi bildirildi. Xalqaro hamkorlar bilan birga yangi dasturlar joriy qilinadi, hamshiralarni NCLEX imtihoni asosida xalqaro sertifikatlash yoʻlga qoʻyiladi. Oliy maʼlumotli hamshiralar tayyorlash yoʻnalishiga qabul kvotasi bosqichma-bosqich oshiriladi.
Bundan tashqari, barcha oʻquv dasturlari xalqaro tashkilotlar talablari asosida akkreditatsiyadan oʻtkaziladi, oilaviy tibbiyot boʻyicha integratsiyalashgan taʼlim dasturi va bir yillik internatura joriy etiladi. "Bemor yonida" oʻqitish ulushini oshirish, bilimlarni baholashning ikki bosqichli tizimi hamda tibbiyot xodimlarini roʻyxatga olish tizimini bosqichma-bosqich joriy etish rejalashtirilgan.
Alohida yoʻnalish jamoat salomatligi bilan bogʻliq. Sanitariya-epidemiologik osoyishtalik va jamoat salomatligi qoʻmitasi faoliyatini yuqumli boʻlmagan kasalliklar profilaktikasiga, onalar va bolalar oʻlimini kamaytirishga, jarohatlanishning oldini olishga yoʻnaltirish taklif etilmoqda. Buning uchun yuqumli boʻlmagan kasalliklar profilaktikasi boʻyicha milliy dastur ishlab chiqiladi.
Qon xizmatini takomillashtirish masalasi ham dolzarb. Bu borada 2026-2030 yillarga moʻljallangan dastur qabul qilinib, tibbiyot muassasalarining qon bilan taʼminlanganligi 100 foizga yetkaziladi. Qon preparatlari ishlab chiqarish yoʻlga qoʻyiladi. Qon xavfsizligini taʼminlashning zamonaviy usullari, jumladan, viruslarni inaktivatsiya qilish va nurlantirish joriy etiladi. Bu oʻlim holatlarini kamaytirish va qonga ehtiyojni taʼminlash imkonini beradi.
Mamlakatimiz farmatsevtika bozori bugungi kunda 2 milliard dollardan oshgan. Islohotlar aholini sifatli, xavfsiz va samarali dori vositalari bilan taʼminlashga qaratilgan.
Bu yoʻnalishda, Jahon sogʻliqni saqlash tashkiloti mezonlarini inobatga olgan holda, dori vositalarini roʻyxatdan oʻtkazishda tan olish tartibi joriy etiladi. Jeneriklarning bioekvivalent sinovlari oʻtkaziladi, tibbiy buyumlarni ularning xavfsizlik sinflari boʻyicha roʻyxatdan oʻtkazishning tabaqalashtirilgan tizimi qoʻllaniladi. Bu borada faoliyatni boshlash uchun xabardor qilish tartibi joriy etiladi.
Shartnoma asosida ishlab chiqarish va texnologiyalar transferi rivojlantiriladi, farmnazoratning zamonaviy mexanizmlari tatbiq qilinadi.
Prezidentimiz bildirilgan takliflarni maʼqullab, tegishli hujjatlarni imzoladi. Belgilangan vazifalar ijrosini tizimli va sifatli taʼminlash boʻyicha topshiriqlar berildi.
Siyosat
20.08.2025, 12:05
Ulashish:
Mavzuga oid yangiliklar

Serbiya prezidenti Oʻzbekistonga keldi
Siyosat
28.10.2025, 11:33

Kelgusi yil uchun makroiqtisodiy koʻrsatkichlar va davlat byudjeti parametrlari muhokama qilindi
Iqtisodiyot
27.10.2025, 18:32

Oʻzbekiston prezidenti Belgiyaga tashrifini yakunladi
Siyosat
25.10.2025, 06:57

Shavkat Mirziyoyev Belgiyaliklar qiroli bilan uchrashdi
Siyosat
24.10.2025, 21:17

Oʻzbekiston va YeI munosabatlari yangi strategik bosqichga koʻtarildi
Siyosat
24.10.2025, 16:59

Oʻzbekiston prezidenti tashrif bilan Bryusselda boʻladi
Siyosat
22.10.2025, 21:54
Mashhur yangiliklar

Oʻzbek MMA olamida “mashina mojarosi”: qarz, kelishuv va jamoatchilik muhokamasi
Sport
29.09.2025, 18:01

Oʻzbekistonliklarni bortga chiqarmay kamsitgan WizzAir haqida kanadalik xonanda qoʻshiq kuyladi
Oʻzbekiston
22.10.2025, 12:24

Mubashshir Ahmad 2 yil 6 oyga qamaldi
Oʻzbekiston
08.10.2025, 17:56

Oʻzbekistonda raqamlashtirish tufayli vazirlik va idoralarida 2000 dan ortiq shtat birligi qisqartiriladi
Siyosat
08.10.2025, 12:00

Fargʻonada IIB xodimlari maktab direktorini kaltaklab, yolgʻon guvohlik berishga majburladi
Oʻzbekiston
06.10.2025, 12:59

Tayvandagi aeroport eng samimiy aeroport deb topildi
Jahon
06.10.2025, 16:40
So‘nggi yangiliklar

“World Boxing” reytingi: 6 ta vaznda oʻzbek bokschisi tengsiz
Sport
28.10.2025, 19:21

Fuqarolarga energiya samarador qurilmalarni xarid qilish va oʻrnatish uchun subsidiya ajratiladi
Iqtisodiyot
28.10.2025, 18:17
Isroil: Erdoʻgʻan boshchiligidagi Turkiya Isroilga nisbatan diplomatik va iqtisodiy sanksiyalar joriy etdi
Jahon
28.10.2025, 17:15

Xorazmda 1,6 mlrd soʻmlik noqonuniy tamaki mahsulotlari aniqlandi
Oʻzbekiston
28.10.2025, 16:19

Tramp Yaponiya bayrogʻi yonida qotib qoldi, Oq uy uning sogʻligi haqida bayonot berdi
Jahon
28.10.2025, 16:09

Oʻzbekistonda aholining zichlik darajasi eʼlon qilindi
Oʻzbekiston
28.10.2025, 15:14

Rustam Qosimjonov Oʻzbekiston terma jamoasi bosh murabbiyi etib tayinlandi
Sport
28.10.2025, 14:17

Mirzaobod tumani sobiq hokimi jinoiy jazoga tortildi
Oʻzbekiston
28.10.2025, 13:41

Istanbul meri Imomogʻluga yangi ayblov qoʻyildi
Jahon
28.10.2025, 12:51

Putinning rejasi: Pokrovsk noyabrgacha egallanishi mumkin!
Jahon
28.10.2025, 11:59

Serbiya prezidenti Oʻzbekistonga keldi
Siyosat
28.10.2025, 11:33

QQS bilan bogʻliq yirik firibgarlik fosh etildi
Oʻzbekiston
28.10.2025, 10:48
Mashhur yangiliklar

Oʻzbek MMA olamida “mashina mojarosi”: qarz, kelishuv va jamoatchilik muhokamasi
Sport
29.09.2025, 18:01

Oʻzbekistonliklarni bortga chiqarmay kamsitgan WizzAir haqida kanadalik xonanda qoʻshiq kuyladi
Oʻzbekiston
22.10.2025, 12:24

Mubashshir Ahmad 2 yil 6 oyga qamaldi
Oʻzbekiston
08.10.2025, 17:56

Oʻzbekistonda raqamlashtirish tufayli vazirlik va idoralarida 2000 dan ortiq shtat birligi qisqartiriladi
Siyosat
08.10.2025, 12:00

Fargʻonada IIB xodimlari maktab direktorini kaltaklab, yolgʻon guvohlik berishga majburladi
Oʻzbekiston
06.10.2025, 12:59

Tayvandagi aeroport eng samimiy aeroport deb topildi
Jahon
06.10.2025, 16:40
