Oʻzbekistonda bank kartalari soni keskin oshib bormoqda

Joriy yil 1 oktabr holatiga koʻra, Oʻzbekistonda muomalada boʻlgan bank plastik kartalari 63,64 million donani tashkil etdi. 2022 yilning shu davrida mazkur koʻrsatkich 31,8 millionta boʻlgan. Demak, soʻnggi uch yilda kartalar soni ikki barobarga oshgan. Solishtirish uchun:
— 2023 yil oktabrida — 41,3 mln,
— 2024 yil oktabrida — 53,6 mln donani tashkil etgan.

Oktabr oyi boshiga kelib, mamlakat boʻylab oʻrnatilgan toʻlov terminallari 430,2 mingtaga yetdi. Bu bir yil avvalgiga nisbatan 6 mingta, ikki yil avvalgiga nisbatan 900 ta koʻp. Biroq 2022 yil 1 oktabrda terminallar soni 432,2 mingta, 2021 yilda esa 435 mingga yaqin boʻlgan. Soʻnggi yillarda terminallar soni pasaygani kuzatilsa-da, ular orqali amalga oshirilayotgan toʻlovlar hajmi oʻsmoqda:
— 2025 yil yanvar–oktabrda — 318,2 trln soʻm,
— 2024 yilda — 237,5 trln soʻm,
— 2023 yilda — 181,5 trln soʻm.

Shu bilan birga, oxirgi uch yilda respublikadagi bankomat va infokiosklar soni ikki barobar koʻpaygan. Agar 2022 yil 1 oktabrda ularning soni 19,3 mingta boʻlgan boʻlsa, 2025 yil oktabriga kelib 38,1 mingtaga yetgan.