O‘zbekistonda “Shajara” axborot tizimi ishga tushiriladi

O‘zbekiston Milliy matbuot markazida “O‘zarxiv” agentligi tomonidan matbuot anjumani o‘tkazildi.

Unda arxiv sohasidagi muhim yangilik – “Shajara” axborot tizimi taqdim etildi.

Mazkur platforma orqali fuqarolar:

-   o‘z oila shajarasini elektron shaklda shakllantirishi;

-   ajdodlari haqida arxiv ma’lumotlarini izlashi;

-   tegishli davlat xizmatlaridan masofadan turib foydalanishi mumkin bo‘ladi.

Tizim “FHDYOning yagona elektron arxivi”, davlat va idoraviy arxivlar ma’lumotlari bilan integratsiya qilinadi.

Shuningdek, Sud-ekspertiza markazining DNK ma’lumotlari asosida etnik kelib chiqishni aniqlash xizmati ham bosqichma-bosqich yo‘lga qo‘yilishi rejalashtirilgan.

“Shajara” axborot tizimi fuqarolarning o‘z tarixiy ildizlari va ajdodlari haqidagi arxiv ma’lumotlarini izlash imkoniyatlarini kengaytirishi ta’kidlandi.

Bundan tashqari, 2026-yil 1-avgustdan davlat organlari va tashkilotlarida arxiv ishiga oid hujjatlar elektron shaklda yuritiladi.