Oʻzbekistonliklarni haqorat qilgan tiktoker qamaldi

Tik-Tok platformasida «Abdulloh» nomi bilan tanilgan Toshkent viloyatida yashovchi 26 yoshli bloger – Yugay Valeriyga nisbatan sud hukmi oʻqildi.

Viloyat IIB maʼlumotiga koʻra, u 2024 yilning oktabr-noyabr oylarida Koreya Respublikasida turib, oʻzining ijtimoiy tarmoqlardagi sahifalarida millatlararo nizo keltirib chiqarishi mumkin boʻlgan, milliy qadr-qimmatni tahqirlovchi hamda diniy eʼtiqodga koʻra, fuqarolarni kamsituvchi soʻzlar bilan Oʻzbekiston qonunchiligini buzgan.

Jamoatchilikning keskin noroziligidan soʻng mazkur shaxs joriy ilning 25 mart kuni Abu-Dabi – Samarqand yoʻnalishi orqali Oʻzbekistonga keltirilib, qamoqqa olingan.

Jinoyat ishlari boʻyicha Nurafshon shahar sudining hukmi bilan Yugay Valeriy Jinoyat kodeksining 156-moddasi (milliy, irqiy, etnik yoki diniy adovat qoʻzgʻatish) 2-qismi va 158-moddasi (Oʻzbekiston Respublikasi prezidentiga tajovuz qilish) 3-qismida nazarda tutilgan jinoyatlarni sodir etganlikda aybli deb topilib, unga 3 yil 1 oy muddatga ozodlikdan mahrum qilish jazosi tayinlandi.

Tayinlangan jazoni manzil-koloniyalarda oʻtattirilish belgilandi.