Poytaxtdagi ba’zi armatura mahsulotlari talablarga javob bermaydi – Nazorat qo‘mitasi

“Rus Metall” diametri 12 mm A240 armatura mahsuloti

Mahsulot bir qator talablarga talablariga mos kelmaydi.

Xususan, ko‘ndalang qovurg‘alarning nisbiy ezilish maydoni, ko‘ndalang kesimning nominal maydoni, 1 metr uzunlikdagi prokat massasi, ko‘ndalang qovurg‘alar balandligi hamda uglerod miqdori bo‘yicha nomuvofiqliklar aniqlandi.

“Qo‘qon erkin iqtisodiy zonasi”da ishlab chiqarilgan 12 mm A240 armatura mahsuloti

Mazkur mahsulotda ham ko‘ndalang qovurg‘alarning nisbiy ezilish maydoni, ko‘ndalang kesimning nominal maydoni, 1 metr uzunlikdagi prokat massasi va ko‘ndalang qovurg‘alar balandligi bo‘yicha texnik reglament hamda standart talablariga zid holatlar qayd etildi.

Aniqlangan holatlar ushbu mahsulotlarning amaldagi standartlar va texnik reglamentlar talablariga to‘liq javob bermasligini ko‘rsatadi.

Fuqarolar va qurilish tashkilotlaridan armatura mahsulotlarini xarid qilishda muvofiqlik sertifikati, mahsulot pasporti va boshqa texnik hujjatlarga alohida e’tibor qaratishlari so‘raladi.