Toʻrtta vazirlikning 160 nafar xodimi tadbirkorlik bilan shugʻullanayotgani ochiqlandi

Unda qayd etilishicha, Ekologiya, atrof-muhitni muhofaza qilish va iqlim oʻzgarishi vazirligining 72 nafar xodimi 79 ta, Togʻ-kon sanoati va geologiya vazirligining 59 nafar xodimi 60 ta, Oliy taʼlim, fan va innovatsiyalar vazirligining 22 nafar xodimi 23 ta, Energetika vazirligining 7 nafar xodimi 8 ta tadbirkorlik subʼektida taʼsischi sifatida roʻyxatdan oʻtgan. 

Mazkur holat yuzasidan vazirliklarga Korrupsiyaga qarshi kurashish agentligi tomonidan taqdimnomalar kiritilgan.

"Oʻz navbatida, vazirliklar tomonidan taqdimnomalar tanqidiy muhokama qilingan holda tadbirkorlik subʼektlarida taʼsischilik qilayotgan xodimlarga nisbatan ogohlantirish xatlari berilib, qayd etilgan qonunbuzilishi holatlari hozirda bartaraf etilmoqda", deyiladi agentlik xabarida.

Shuningdek, agentlik davlat fuqarolik xizmatchilariga "Tadbirkorlik faoliyati erkinligining kafolatlari toʻgʻrisida"gi hamda "Davlat fuqarolik xizmati toʻgʻrisida"gi qonunlarda tadbirkorlik faoliyati bilan shugʻullanish taqiqlanganligini qayta eslatib oʻtgan.