Toshkent havosi nega ifloslanib ketdi?

Ekologiya vazirligiga koʻra, Toshkentda havo ifloslanishi aholining kundalik hayotiga kuchli taʼsir qilmoqda, Koʻchalarda koʻrish qobiliyati pasayib, koʻplab fuqarolar niqob va yoki respiratorlardan foydalanishga majbur boʻlmoqda.

Mutaxassislar derazalarni yopib, imkoni boricha tashqarida kamroq boʻlishni tavsiya qilmoqda. Ushbu ogohlantirishlar aholi asrab qolishda muhim ahamiyat kasb etmoqda.

Prognozlarga koʻra, shamolli ob-havo hafta davomida saqlanib qoladi. Toshkent bilan bir qatorda Qoraqalpogʻiston, Xorazm, Navoiy, Buxoro, Samarqand va Jizzax viloyatlari ham chang-toʻzonlardan koʻproq zarar koʻrishi mumkin. Gʻarbdan esayotgan 15–20 m/s tezlikdagi shamollar qum va changni atmosferaga koʻtarib, havoning ifloslanishini yanada kuchaytiradi.

Oʻzbekistonda chang va qum boʻronlari tabiiy va inson faoliyati omillarining birgalikdagi natijasi hisoblanadi. Ayniqsa Toshkentda kuzatilgan vaziyat bizni jiddiy choralar koʻrishga chorlamoqda. Agar barqaror yechimlar tezda amalga oshirilmasa, bunday havo holatlari nafaqat salomatlik, balki butun iqtisodiyot va kelajak uchun katta xavfga aylanishi mumkin.