Yil boshidan beri poytaxtda uylar narxi qanday o‘zgardi?

1 kv metr uchun o‘rtacha narx 16,9 mln so‘mni tashkil qilmoqda. Shayxontohur tumanida bu ko‘rsatkich 25 mln so‘mgacha o‘sdi. 

Yanvarga nisbatan eng yuqori o‘sish Olmazor va Yakkasaroy tumanlarida kuzatildi. 

Sergeli va Yangihayot tumanlarida esa narx deyarli o‘zgarmadi. 

Hovli uylar narxi esa poytaxt bo‘yicha o‘rtacha 2,3 foizga qimmatladi. 1 sotix uchun hovlilarning o‘rtacha narxi 1 mlrd so‘mga yaqinlashib qolgan. 

Eng qimmat hovlilar kutilganidek Mirzo Ulug‘bek tumanida joylashgan — 1 sotix uchun 1,7 mlrd so‘m. 

Hovlilar narxi eng ko‘p Mirobodda (+6,6 foiz) oshgan bo‘lsa, Sergeli va Yangihayot tumanlarida (-3,1 foiz) narxlar pasayishi qayd etildi. 

Noturar obyektlar narxi esa biroz sekinroq, 1,9 foizga ko‘tarildi. 

Noturar joylar Mirzo Ulug‘bek (24,4 mln), Mirobod (22,6 mln) va Yakkasaroy (21,8 mln) tumanlarida boshqa hududlarga nisbatan qimmatroq shakllanmoqda.