Oʻzbekistonda 1 maydan nimalar oʻzgaradi?

6 ta daryo (Chirchiq, Sangzor, Zarafshon, Norin, Qashqadaryo va Surxondaryo) oʻzanida shagʻal qazish taqiqlanadi;

Tadbirkorlik subʼektlariga jamoat joylari, ijtimoiy obʼektlar va aholi punktlarining belgilangan joylarida sanitariya-gigiyena shoxobchalari tashkil etish huquqi beriladi;

Nogironlar uchun “yugur-yugur” kamayadi;

Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslar uchun sport, musiqa, hunarmandchilik yoʻnalishida toʻgaraklar yoʻlga qoʻyiladi;

Fuqarolar va tadbirkorlik subʼektlari uchun yangi majburiy toʻlovlar va yigʻimlar faqatgina qonunda belgilash amaliyoti kiritiladi;

«Ijro.gov.uz» ijro intizomi idoralararo yagona elektron tizimi negizida ishlab chiqilgan «edo.ijro.uz» moduli orqali elektron hujjat aylanish tizimiga oʻtkaziladi;

17 ta turdagi xulosalar DXM va YaIDXP orqali beriladi;

Har bir hududda kuchli zilzilada aholini qutqarish ishlariga jalb etish uchun volontyorlik guruhlarini shakllantirish amaliyoti yoʻlga qoʻyiladi.