Oʻzbekistondagi dorixonalarda giyohvandlik vositalari kimlarga sotiladi?

Unga koʻra, dorixonalardan giyohvandlik vositalarini jismoniy shaxslarga shifokor retsepti asosida realizatsiya qilish (berish) dorixona mudiri, farmatsevt (provizor), dorixona farmatsevti assistenti tomonidan amalga oshiriladi.

"Giyohvandlik vositalari maxsus pushti retsept blanka asosida beriladi. Retsept blankalari esa Sogʻliqni saqlash vazirligining hududiy boshqarmalari tomonidan chiqariladi", deyiladi nizomda.

Bir dona retsept blankasida shifokor tomonidan faqat bitta nomdagi giyohvandlik vositasi miqdori yetti kunlik ehtiyojdan oshirilmagan holda yozilishi kerak. 

Dorixonaning giyohvandlik vositalari saqlanadigan xonada giyohvandlik vositalari boʻyicha berilgan retseptlar besh yil davomida muhrlangan holda saqlanadi. 

Davolash-profilaktika muassasasining dorixonasida giyohvandlik vositalari zaxirasi bir oylik ehtiyojdan oshmasligi, boʻlimlarida esa uch kunlik ehtiyojdan koʻapmasligi talab etiladi.